Vjosa Osmani betohet si Presidente: Dera ime do të jetë e hapur për të gjithë

Kuvendi i Kosovës në një mbledhje të jashtëzakonshme, ka zgjedhur Presidentin e ri të vendit. Vjosa Osmani mori 71 vota në raundin e tretë nga 61 që ishin të nevojshme.

Znj. Osmani pas votimit bërë betimin para deputetëve duke shënuar kështu dhe marrjen zyrtarisht të detyrës si kreu i shtetit të Kosovës.

Në betimin e saj, znj. Osmani u zotua se do të bënte gjithçka për të mbrojtur pavarësinë dhe integritetin territorial të Kosovës. Ajo shprehur mirënjohje dhe përulje që iu besua detyra e Presidentes për 5 vitet e ardhshme. Znj. Osmani tha se votimi është plotësimin i vullnetit të qytetarëve të shprehur në zgjedhjet parlamentare të 14 shkurtit.

“Zotohem se do të punoj për fuqizimin e shteti, sundimin e ligjit, se do të mbrojë çdo pëllëmbe të vendit. Do të jem presidentja e të gjithëve. Nuk jemi shumë për t’u ndarë në ne dhe ata. Dera ime do të jetë e hapur për të gjithë, nuk do të ketë parti nga pozita dhe parti nga opozita”, tha znj. Osmani.

Në raundin e parë morën pjesë 81 deputetë ku pas përfundim të numërimit të të gjitha votave të hedhura në kuti 12 vota dolën të pavlefshme ndërsa Vjosa Osmani mori 69 vota.

Procesi i votimit ka kaluar menjëherë në raundin e dytë të votimit. Edhe në këtë raund për zgjedhjen e presidentit të ri të Kosovës nevojiten 80 vota.

Në raundin e dytë të votimit morën pjesë 82 deputetë, por pas numërimit rezultoi se znj. Vjosa Osmani nuk e kishte numrin e nevojshëm për të qenë presidente e ardhshme e Kosovës.

Pas numërimit të votave rezultoi se të pavlefshme ishin 11 vota, për Vjosa Osmanin ishin 67 vota ndërsa për Nasuf Bejtaj votuan 4 deputetë.

Ndërsa në rast se do të shkohet në raundin e tretë, Kushtetuta parashikon zgjedhe me shumicë të thjesht prej 61 votash.

Të pranishëm janë deputetët e Lëvizjes Vetëvendosje dhe Lidhjes Demokratike të Kosovës por edhe dy deputetë të komuniteteve si dhe një deputete e AAK-së.

Kuvendi i Kosovës dje dështoi në dy votimet e para të raundit të parë për zgjedhjen e Vjosa Osmanit presidente pasi nuk u arrit kuorumi i nevojshëm.

Në seancë morën pjesë 82 deputetë, por votuan 78, që ishte e pamjaftueshme për të kaluar në raundin e dytë, pas së cilës u vendos për vazhdimin e seancës për sot.

Në garë janë Vjosa Osmani dhe Nasuf Bejta, e para nga Lista Guxo, ndërsa ky i dyti nga Lëvizja Vetëvendosje.