Vjosa Osmani uron PS-në për fitoren dhe PD-në për garën zgjedhore

Presidentja e Kosovës, Vjosa Osmani ka uruar Partinë Socialiste për fitoren e zgjedhjeve, por në reagimin e saj nuk i është drejtuar drejtpërdrejt kryeministrit Edi Rama.

Nëpërmjet një postimi në Twitter ajo ka përgëzuar edhe Partinë Demokratike dhe gjithë partitë e tjera për garën zgjedhore.

Ndërkohë, Osmani tregon thekson se të gjithë përfaqësuesit politik duhet të kontribuojnë në forcimin e demokracisë, sundimit të ligjit dhe për bashkëpunimin me Kosovën.

“Urime Partisë Socialiste për fitoren në zgjedhjet e 25 prillit. Përgëzoj Partinë Demokratike dhe gjithë partitë e tjera për garën zgjedhore. Uroj që të gjithë përfaqësuesit politik të kontribuojnë në forcimin e demokracisë, sundimit të ligjit dhe bashkëpunimit me Kosovën”, shkruan Vjosa Osmani.

Urime Partisë Socialiste për fitoren në zgjedhjet e 25 prillit. Përgëzoj Partinë Demokratike dhe gjithë partitë e tjera per garën zgjedhore. Uroj që të gjithë përfaqësuesit politik të kontribuojnë në forcimin e demokracisë, sundimit të ligjit dhe bashkëpunimit me Kosovën.🇦🇱🤝🇽🇰

— Vjosa Osmani (@VjosaOsmaniPRKS) April 29, 2021

Partia Socialiste fitoi zgjedhjet e 25 prillit duke marrë 74 mandate, ndërsa Partia Demokratike mori 59 mandate.

Sakaq, Lëvizja Socialiste për Integrim mori 4 mandate dhe Partia Socialdemokrate mori 3 mandate.

Lexoni gjithashtu:

Live Blog: Kandidatët që sigurojnë mandatin e deputetit