Presidenti rus, Vladimir Putin, do të garojë për mandat tjetër presidencial si kandidat i pavarur me mbështetje të madhe, dhe jo i lidhur me partinë, kanë raportuar të shtunën agjencitë ruse të lajmeve, duke i cituar mbështetësit e tij.

Një grup i përbërë prej mbi 700 politikanëve dhe figurave kryesore të botës së sportit dhe kulturës, është organizuar të shtunën në Moskë dhe në mënyrë unanime e ka përkrahur nominimin e Putinit si kandidat i pavarur, kanë thënë agjencitë e lajmeve.

Putin, i cili ka qenë në pushtet si president apo kryeministër për më shumë se dy dekada, ka bërë të ditur se synon një mandat tjetër presidencial në zgjedhjet që mbahen në mars të vitit të ardhshëm.

Ai pritet të fitojë lehtë në këtë proces zgjedhor.

LEXONI GJITHASHTU:

• Putin në konferencën e fundvitit, bën zotimin për luftën në Ukrainë
• Biden: Mohimi i ndihmës shtesë për Ukrainën do të ishte “dhuratë” për Putinin