Vlerësimi i BE: “Erzeni” plotëson standardet ushqimore europiane

Më 22 janar, kompania Erzeni u inspektua nga një ekip i përbashkët i përbërë nga ekspertë të Komisionit Europian për Sigurinë Ushqimore, përfaqësues të Ministrisë së Bujqësisë dhe Zhvillimit Rural, si dhe trupa inspektuese e Autoritetit Kombëtar të Ushqimit.

Qëllimi i inspektimit ishte vlerësimi i investimeve, teknologjisë dhe proceseve të zbatuara në kompani, me fokus garantimin e respektimit të standardeve të sigurisë ushqimore për produktet e prodhuara, në kuadër të procesit të plotësimit të parakushteve nga Shqipëria për aderimin Bashkimin Europian.

Në përfundim të inspektimit, ekspertët vlerësuan pozitivisht zbatimin e standardeve në të gjitha fazat e procesit të prodhimit, duke konfirmuar se kompania Erzeni, përmbush kriteret dhe është në përputhje të plotë me rregulloret e Bashkimit Europian për eksportin e produkteve.

Ky vlerësim, përforcon angazhimin e vazhdueshëm të kompanisë Erzeni, për investime të qëndrueshme në garantimin e sigurisë ushqimore dhe përmirësimin e vazhdueshëm të të gjitha hallkave të menaxhimit të cilësisë, në të gjitha fazat e përpunimit, ruajtjes dhe shpërndarjes së produkteve deri tek konsumatori.