Vllaznia tashmë klub privat, presidenti Xhaferi prezanton objektivat

Vllaznia ka nisur një epokë të re, tashmë si një klub privat, me presidentin Alban Xhaferi që gëzon 100% të aksioneve të skuadrës kuqeblu.

Në një prononcim për mediat, numri një i klubit shkodran ka deklaruar se puna për sezonin e ri ka nisur dhe është vazhdim i projektit të filluar muaj më parë.

“Ky projekt do të jetë vazhdimësia e projektit që ka nisur një vit më parë dhe do të shtrihet në disa plane, kryesisht me ato që kanë të bëjnë me rikthimin e Vllaznisë te rezultatet, me rritjen e infrastrukturës, me gjithëpërfshirjen e të rinjve dhe gjithashtu me rritjen e prezencës së sponsorëve te ekipi i futbollit Vllaznia,” – u shpreh presidenti Xhaferi.

Infrastruktura sipas tij do marrë një rëndësi të veçantë, pasi konsiderohet si një nga elementët thelbësor.

Edicionin e shkuar Vllaznia u rendit në vendin e dytë, me pikë të barabarta me Teutën, e cila u shpall kampion vetëm falë diferencës së golave të shënuar dhe atyre të pësuar.

LEXONI GJITHASHTU: 

• Vllaznia përballë Juventus, vajzat shkodrane sfidojnë italianet në “Loro Borici”
• Futbollistët e kombëtares optimistë për ndeshjen me Poloninë
• Rey Manaj largohet nga Barcelona ditën e fundit të merkatos