Von der Leyen paralajmron Trump: Dështimi në Ukrainë dobëson BE-në dhe SHBA-të
Në fjalim e mbajtur në Konferencën e Sigurisë në Mynih, presidentja e Komisionit Europian, Ursula von der Leyen, kritikoi qasjen e re të politikës së jashtme të presidentit amerikan Donald Trump.
Von der Leyen tha se Evropa ka potencialin të “lëvizë malet” kur adopton një “mentalitet urgjence”.
Presidentja e Komisionit Evropian, lëshoi një paralajmërim të ashpër për Uashingtonin, duke theksuar se një dështim në Ukrianë do të ketë pasoja të rënda jo vetëm për sigurinë evropiane, por edhe për atë amerikane.
“Një Ukrainë e dështuar do të dobësonte Evropën, por gjithashtu do të dobësonte Shtetet e Bashkuara,” ka paralajmëruar von der Leyen.
Përkundër mendimeve të ndryshme, si BE ashtu edhe SHBA janë dakord se Kievit do t’i duhen “garanci të forta sigurie”.
“Ukraina ka nevojë për paqe përmes forcës, Evropa dëshiron paqen përmes forcës dhe siç e ka bërë të qartë Presidenti Trump: Shtetet e Bashkuara janë fuqimisht të përkushtuara ndaj kësaj doktrine”, shtoi von der Leyen.
Në fjalën e saj, presidentja e Komisionit Evropian theksoi angazhimin e BE-së për të mbështetur Ukrainën, duke iu përgjigjur akuzave të presidentit Trump se Europa nuk ka kontribuar sa duhet. Ajo nënvizoi se mbështetja financiare dhe ushtarake nga ana e BE-së për Ukrainën arrin në 134 miliardë euro, duke e bërë këtë kontribuim më të madhin krahasuar me çdo aktor tjetër.
Për sa i përket kërcënimit të një lufte tregtare transatlantike, von der Leyen kritikoi politikat tarifore të SHBA-së, duke thënë se “luftërat tregtare dhe tarifat ndëshkuese nuk kanë kuptim”. Kjo deklaratë tërhoqi duartrokitje nga audienca.
Ajo gjithashtu i tha samitit se e ardhmja e Ukrainës është “këtu në Evropë” dhe se zyrtarët janë duke punuar në procesin e anëtarësimit të këtij vendi në Bashkimin Evropian.
LEXONI GJITHASHTU:
Kryefaqja
Vrasja e dy emigrantëve në Teksas dhe Maine, Trump: Agjentët e ICE nuk do t’i ndalojnë kontrollet e automjeteve
Rritet numri i viktimave nga lufta në Gaza, që nga armëpushimi i tetorit 1,123 palestinezë janë vrarë
U arrestua pak ditë më parë nën akuzën për shpifje, Maroku liron gazetarin Ali Lmrabet
- 14:16 Vrasja e dy emigrantëve në Teksas dhe Maine, Trump: Agjentët e ICE nuk do t’i ndalojnë kontrollet e automjeteve
- 14:09 Hita mbledh drejtuesit e Policisë në qarqe: Prioritet siguria gjatë sezonit turistik dhe goditja e krimit
- 13:56 Rritet numri i viktimave nga lufta në Gaza, që nga armëpushimi i tetorit 1,123 palestinezë janë vrarë
- 13:37 U arrestua pak ditë më parë nën akuzën për shpifje, Maroku liron gazetarin Ali Lmrabet
- 13:26 Amnistia penale, Drejtoria e Përgjithshme e Burgjeve: U liruan 553 persona, 863 të dënuar përfituan zbritje të dënimit
- 13:24 Tërmetet me 4,700 viktima në Venezuelë, BE-ja ofron 20 milionë euro shtesë për ndihmë humanitare