‘Votat do coptohen’, kryetari i FRPD-së: Si rifitohet mbështetja e humbur

Kryetari i Forumit Rinor të Partisë Demokratike, Besart Xhaferri thotë se votat në zgjedhjet e ardhshme lokale do coptohen, nëse grupimi që mbështet Enkelejd Alibeaj, do të dalë me të tjerë kandidatë.

Në emisionin “Now” në Euronews Albania, Xhaferri u shpreh se demokratët po fillojnë fushatën 6 muaj para zgjedhjeve dhe kjo është kohë e mjaftueshme për të rifituar mbështetjen e humbur.

“Teorikisht, votat do coptohen. Megjithatë, lajmi më i madh për demokratët, është që po i plotësohet dëshira e tyre kryesore në 10 vitet e fundit, që të kenë kohë për të bërë fushatë.

Zyrtarisht, ne po nxjerrim kandidatë mbi 6 muaj përpara për të ndezur motorët e fushatës dhe për të fituar këdo këto 6 muaj. Lajmi i mirë dhe entuziazmi që po ngjall  primaret, të paktën te ne të rinjtë, është që do kemi mundësinë të tregojmë veten përballë këtij regjimi”, theksoi ai.

LEXONI GJITHASHTU

• “Ky regjim po na përçan”, Bumçi bën përgjegjës Ramën për situatën në seli
• Alimehmeti: Mendimi im për Gert Bogdanin dhe Belind Këlliçin
• Flet infermierja që dhunoi të moshuarën në azilin në Pejë: Më sulmoi e para