Vrasja e 22-vjeçares për hixhabin, Ylli Gurra: Nuk ka asnjë bazë fetare

Ish-myftiu i Tiranës, Ylli Gurra u shpreh në një intervistë për Euronews Albania se nuk ka asnjë bazë fetare vrasja e 22-vjeçares në Iran.

“Për fatin e mirë jo vetëm për pjesën myslimane, por gjithë shoqërinë shqiptare, tentakulat e ndikimit iranian janë larg Shqipërisë.  Nuk ka asnjë bazë fetare për ekzekutimin e një vajze 22-vjeçare. Nuk ka asnjë bazë fetare”, u shpreh Gurra.

Ish-myftiu sqaroi se në momentin që besimtari detyrohet t’i përkushtohet një feje, ai nuk mund të besojë realisht në apo të kryejë rritet fetare.

“Besimi në Zot dhe praktikimi i ritualeve fetare është në vetëdijen e plotë dhe në vullnetin e lirë të atij apo asaj në moshë madhore. E kundërta është manipulim përmes besimit”, u shpreh Ylli Gurra.

Një 22-vjeçare iraniane humbi jetën disa ditë pasi u arrestua nga policia me arsyetimin se nuk e kishte vendosur siç duhet hixhabin e saj.

Presidenti i Iranit ka urdhëruar një hetim për këtë rast. Policia shprehet se vajza pësoi atak në zemër, madje publikoi një video ku ajo shfaqet në qendrën e edukimit në momentet kur u ndje keq.22-vjecarja ra në koma por nuk arriti të mbijetonte.

Ndërkohë në Iran kanë shpërthyer protestat, pasi akuzohet shteti se ka vrarë 22-vjeçaren.

LEXONI GJITHASHTU:

• S’kishte veshur siç duhet hixhabin, rrihet për vdekje 22-vjeçarja në Iran
• 10 viktima nga përmbytjet në Itali, 3 të zhdukur, shtëpitë nën baltë
• ‘Shamia’ ngre në këmbë Iranin, presidenti Raisi akuzon Perëndimin për hipokrizi