Vrasja e 4 personave në Velipojë sjell largimin e turistëve

Ngjarja e rëndë që ndodhi në orët e para të mëngjesit të sotëm në Velipojë, ka sjellë edhe largimin e turistëve nga hoteli i familjes Gocaj, në afërsi të të cilit u vranë 4 persona.

Për Euronews Albania, një turist, me çanta në duar, është shprehur se po largohet nga ky holet për të shkuar tek një tjetër.

“Pushimet nuk i kemi përfunduar, por ndodhi kjo ngjarje dhe do ikim. Ne i kemi dëgjuar krismat nga ora 00:20. Po e nderojmë hotelin dhe jemi duke shkuar në një hotel tjetër”, shprehet turisti.

Ngjarja e rëndë ndodhi në orët e para të mëngjesit të sotëm në Pulaj Plazh të Velipojës, ku mbetën të vrarë: Kujtim Ferracaku, Xhovani Gocaj, Edmond Gocaj dhe Myzerim Zeneli.

Ndërkohë, të plagosur kanë ngelur Hasan Ferracaku, i cili është vëllai i Kujtim Ferracakut dhe Elmilind Dyli.

Dyshohet se sherri nisi për vendosjen e shezlongëve pranë detit.

Në vendngjarje policia ka sekuestruar një armë zjarri tip pistoletë, që dyshohet se mund jetë përdorur gjatë sherrit.

LEXONI GJITHASHTU:

• “Mos i ndodhtë askujt”, babai i vëllezërve të vrarë në Velipojë tregon se sherri nisi për shezlongët
• 4 të vrarë e 2 të plagosur pas një përplasje me armë në Velipojë