Vrasja e dy shqiptarëve në Athinë, zbulohen detaje të reja

Detaje të reja janë zbuluar lidhur me ekzekutimin mafioz të dy shqiptarëve, Kreshnik Çerçizaj, 41 vjeç dhe Armando Organaja 44 vjeç të cilët u qëlluan me breshëri plumbash në një lokal të Athinës.

Mediat greke shkruajnë se dyshohet se urdhri për vrasjen e tyre mund të ketë ardhur nga brenda burgut.

Duke qenë se Kreshnik Çerçizaj ka qenë i dënuan në burgun e Korydalos, dyshohet se urdhri për ekzekutimin e tij është dhënë nga një shqiptar brenda burgut me të cilin njihej.

Në informacionet e deritanishme të dhëna nga policia greke, mësohet se autori i ekzekutimit të dyfishtë ndodhet ende në Greqi.

I përfshirë në krim ka qenë edhe një tjetër person i cili mendohet të ketë qenë bashkëpunëtor i autorit pasi i ka dhënë atij informacionet mbi çdo lëvizje të bërë nga viktimat.

Pritet që policia të dalë në një përfundim nga mbikëqyrja e kamerave dhe analizimi i përgjimeve të telefonatave.

LEXONI GJITHASHTU: 

• Eksperti: Rrugët tona nuk janë të përshtatshme për skutera, rrezik kur ka gropa
• Eksperti i sigurisë rrugore: Aksidentet me skuter mund të jenë fatale
• “I joshën duke i ofruar banesë në kullë”, Basha i kthehet avokatit: Tufë histerikësh