Eksperti: Rrugët tona nuk janë të përshtatshme për skutera, rrezik kur ka gropa

Eksperti i sigurisë rrugore, Gëzim Hoxha deklaroi se rrugët në vendin tonë, nuk janë të përshtatshme për qarkullimin me skutera.

Në emisionin “Good Morning Albanians’ në Euronews Albania, Hoxha u shpreh se në skuteri bie në një gropë, e cila është më e thellë se aksi i skuterit, mjeti përmbyset.

“Këto lloje mjetesh, që ne po i themi skuter, qarkullojnë si duan këta. Pra, këta qarkullojnë si duan, ku të duan, të vijnë ballë për ballë. Kur hyjnë këto mjete në Shqipëri, ata burra në Parlament duhet të shqetësohen dhe duhet menjëherë të reflektojnë. Këta mjete u futën u bënë prezentë, duhen futur në Kodin Rrugor, duhen disiplinuar në qarkullimin e tyre. Nuk është bërë propozim.

Këto mjete janë jashtë kontrollit, janë të rrezikshme dhe për vetë ata që qarkullojnë. Skuteri është i rrezikshëm sepse diametri i rrotës së tij është shumë i vogël. Rrugët tona nuk janë përgatitur për skuterat akoma, një gropë, nëse bie skuteri, diametri i rrotës është i vogël dhe nëse gropa është më e thellë se sa aksi i skuterit, skuteri përmbyset”, theksoi ai.

LEXONI GJITHASHTU

• Eksperti i sigurisë rrugore: Aksidentet me skuter mund të jenë fatale
• Kamioni përplaset me skuterin, vdesin dy 18-vjeçarë
• Si ndikojnë skuterët elektrikë në mjedis?