“Zjarri i Shëngjinit kishte 4 ditë, mund të ishte menaxhuar”, gazetari: Si nisi…

Gazetari Altin Mema tha për “Good Morning Albanians” në Euronews se zjarri në Shëngjin mund të ishte menaxhuar më mirë pasi ai kishte nisur si një vatër e vogël që prej 4 ditësh.

Ai tha se në 18 vite që ushtron profesionin e tij si gazetar në Lezhë nuk kishte parë kurrë një zjarr të tillë i cili ka sjellë miliona euro dëme.

“Prej 18 vitesh që ushtroj profesionin e gazetarit në Lezhë nuk më ka rastisur të raportojë një ngjarje më të rëndë lidhur me zjarrin se sa ditën e djeshme.

Ka qenë një situatë shumë e rrezikshme me shumë pasoja, me dëme me miliona euro dhe çdo gjë nisi si një vatër e vogël zjarri pasditen e të shtunës. Po të menaxhohej si duhej, nuk do të sillte katastrofën që solli ditën e djeshme. Ka 4-5 ditë që zjarri po vazhdon”,-tha gazetari.

LEXONI GJITHASHTU:

• Zjarr në fshatin Guras, era favorizon përhapjen e madhe të flakëve
• Zjarri në Shëngjin, gazetarja: Një depozitë 5 mijë litërshe gazi rrezikon banorët