Qëlloi me shuplakë një fëmijë, gazetari: Ja si u komentua në Turqi gjesti i Erdogan

Gazetari Sokol Brahaj tha për “Good Morning Albanians” në Euronews se gjesti i presidentit Turk, i cili i dha një shuplakë një fëmijë ndërkohë që i zgjaste dorën për t’ia puthur, është kritikuar shumë edhe në Turqi. Ai tha se gjesti është cilësuar si një turp i madh në mediat sociale.

Megjithatë Brahaj shpjegoi se puthja e dorës, është në kulturën turke, ndërsa sipas prononcimeve të zëdhënësit të Erdogan, gjesti i presidentit ka pasur natyrë përkëdhelëse.

“Kjo është debatuar edhe në Turqi, është komentuar, është shpërndarë dhe është një turp  i madh për Erdogan. Gjithë ai sulltan i Bosforit të gjuaji një kalama se nuk i puthi dorën. E para është se i gjuajti një shuplakë një fëmijë, e dyta është që është kulturë turke që i vogli i puth dorën të madhit. Ajo lëvizja e dorës ashtu është e përshpejtuar thonë.

]Nuk bëhet fjalë që Erdogan të qëllojë një fëmijë por është një ledhatim. Nëse shikojmë prononcimet zyrtare, zëdhënësi i tij tha se këto janë fake news, nuk ka lidhje me gjuajtjen e Erdoganit, por është një ledhatim si e përdorim ne “shihe nipi im”,-tha gazetari.

LEXONI GJITHASHTU:

• Erdogan: Turqia mund të hyjë në Izrael për të ndihmuar palestinezët
• Ekonomia globale rritet, Turqia ka zhvillimin më të madh me 157% për individ