Prej më shumë se 6 orësh mbi kodrat e fshatit Guras në Pogradec ka rënë një valë e madhe zjarri, e cila ka djegur një sipërfaqe të konsiderushme deri më tani.
- Advertisement -
Edhe pse ka angazhim maksimal nga emergjencat civile, zjarrfikësit, punonjës të pyjores, ujësjellësit, rruga urës dhe banorët e zonës, era favorizon përhapjen e flakëve me shpejtësi.
Krahas punës që po bëhet me mjete rrethanore informohemi se po merren masa që të hapen tubacionet e ujit të depove në kodër që të mundësohet izolimi dhe fikja e zjarrit.
Situata paraqitet e vështirë, terreni po ashtu, por puna do të vijojë deri në izolimin e zjarrit për të mos lejuar përhapjen e tij në pyll.
