Vrasja e dyfishtë në Laç, policia zbulon dy pistoletat e autorit të dyshuar

Policia e Shtetit thotë se, ka zbuluar dy armë zjarri të tipit pistoletë të Eduart Lamaj, autorit të dyshuar për vrasjen e dyfishtë të ndodhur një muaj më parë në autostradën Mamurras-Lezhë. Armët janë gjetur në rrugën “Pjetër Budi” në Tiranë, në një pusetë pas klinikës ku mjekohej ilegalisht. Sipas policisë dy armë dyshohet se, janë përdorur në ngjarjen kriminale.

Më 30 maj, mbeten të vrarë me armë zjarri Bujar Hasani dhe Paulin Gjergji. 30-vjeçari Lamaj i mbetur i plagosur në këtë ngjarje, u arrestua nga policia në shtratin e një klinike private në kryeqytet nga mbajta në vëzhgim e familjarëve të tij. Në pranga përfunduan dhe dy mjetë të cilët kishin pranuar ta mjekonin dhe operonin kundrejt një shumë parash pa lajmëruar policinë sipas detyrimit ligjor.

Zbulimi i Lamajti si autor i dyshuar erdhi pas analizave të ADN-së përmes gjurmëve të gjakut të gjetura në vendngjarje. Lamaj ka qenë disa vite më parë i skeduar dhe arrestuar nga policia. Dyshimet janë përforcuar dhe nga pamjet e kamera të sigurisë në hotelin ku ndodhi vrasja e dyfishtë.

Në deklarimin paraprak Lamaj është shprehur se nuk ka pasur për qëllim t’i vrasë personat në hotel, por t’i dëmtonte, për shkak të një konflikti të vjetër me pronarin, një version aspak i besueshëm ky për hetuesit të cilët dyshojnë se grupi që kreu vrasjet është paguar për llogari të personave të tjerë.

Lexoni gjithashtu:

Vrasja e dyfishtë në Laç, kapet në spitalin privat ekzekutori, në pranga edhe dy mjekët që e ndihmuan