Vrasja e Kirk, Trump: Urdhër ekzekutiv për të çmontuar ‘rrjetet terroriste vendase’

Presidenti i Shteteve të Bashkuara, Donald Trump, tha se do të nënshkruajë këtë javë një urdhër ekzekutiv për çmontimin e “rrjeteve terroriste vendase” që ai pretendon se financohen nga grupe të krahut të majtë që nxisin dhunë kundër konservatorëve.

“Kjo dhunë është rezultat i demonizimit të vazhdueshëm të zbatimit të ligjit nga demokratët radikalë të krahut të majtë, të cilët po bëjnë thirrje për shpërbërjen e Shërbimit të Imigracionit dhe Doganave (ICE) dhe po i krahasojnë oficerët e ICE-së me ‘nazistët ‘.

Ai theksoi se këtë javë do të nënshkruajë një urdhër ekzekutiv për shpërbërjen e rrjeteve terroriste vendase.

Njoftimi i Trump erdhi në të njëjtën ditë që një person i armatosur vrau një të paraburgosur dhe plagosi dy të tjerë në zyrën e ICE në Dallas.

ICE ka qenë në qendër të masave të gjera të Trump kundër imigracionit të paligjshëm, të cilat kanë tërhequr kritika të gjera nga demokratët dhe aktivistët e imigracionit.

Të hënën, Trump nënshkroi një urdhër ekzekutiv të veçantë duke e shpallur lëvizjen e krahut të majtë antifashiste të njohur si Antifa një “organizatë terroriste vendase” dhe kërcënoi të hetojë dhe ndjekë penalisht ata që e mbështesin financiarisht atë.

Ai shkroi në postimin e tij se u bën thirrje të gjithë demokratëve që ta ndalojnë menjëherë këtë retorikë kundër ICE-së dhe zbatimit të ligjit në SHBA.

LEXONI GJITHASHTU:

• Kryebashkiaku i Londrës sulmon Trump: Racist dhe islamofobik
• Peskov i përgjigjet Trump: Rusia është ari, jo tigër prej letre