Vrasja e Skerdilajd Isufit në Kavajë, gjykata lë në burg autorin

Gjykata ka marrë vendimin dhe ka lënë në burg autorin e vrasjes së 48-vjeçarit Skerdilajd Isufi më 21 janar në Kavajë. Land (Puja) Deraj më datë 21 rreth orës 14:22, në lagjen nr. 3, Kavajë, gjatë një konflikti për motive të dobëta goditi disa herë me mjet prerës viktimën.

Isufi si pasojë e plagëve të marra humbi jetën. Autori i dyshuar, pas goditjes me mjet prerës, u largua nga banesa, por u kap pas disa orësh kërkimesh dhe kontrollesh nga shërbimet e Policisë. Ai akuzohet për kryerjen e veprës penale “Vrasja me dashje” dhe “Prodhimi, mbajtja, blerja apo shitja pa leje e armëve të ftohta”.

“1. Pranimin e kërkesës së Prokurorisë pranë Gjykatës së Shkallës së Parë të Juridiksionit të Përgjithshëm Durrës. 2.  Vleftësimin si të ligjshëm të arrestimit në flagrancë të shtetasit L.D., i dyshuar për kryerjen e veprës penale “Vrasja me dashje” dhe “Prodhimi, mbajtja, blerja apo shitja pa leje e armëve të ftohta” parashikuar nga neni 76 dhe 279/2 i K. Penal.

3. Caktimin si masë sigurimi ndaj shtetasit L.D atë të “Arrest në burg” parashikuar nga neni 238 i K. Pr. Penale.

4. Ngarkohet Prokuroria pranë Gjykatës së Shkallës së Parë të Juridiksionit të Përgjithshëm Durrës dhe Policia Gjyqësore Durrës për ekzekutimin e këtij vendimi.

5.Kundër këtij vendimi mund të bëhet ankim në Gjykatën e Apelit të Juridiksionit të Përgjithshëm brenda 5 ditëve nga e nesërmja e njoftimit të vendimit. U shpall në Durrës, sot më datë 24.02.2026”, thuhet në vendim.