Konfliktet e vjetra po shkaktojnë vrasjet për menaxhimin e vijës bregdetare, thotë eksperti i turizmit, Besnik Vathi

Anëtari i bordit të Shoqatës së Tur-Operatorëve Turistikë, Besnik Vathi u shpreh për Euronews Albania se ngjarjet e fundit në lidhje me shfrytëzimin e hapësirave në plazhe, janë pasojë  e konflikteve të vjetra.

“Këto konflikte, nuk janë konflikte të reja të këtij viti. Janë konflikte si pasqyrë e tërë atij kaosi që është lejuar për gati 30 vitesh në sistemin e rrëmbimit të tokave në bregdet, në sistemin e zaptimit të zonave të plazheve dhe ndërtimeve kaotike, apo edhe të legalizimeve të ndërtimeve pa leje”, u shpreh z. Vathi.

Ai theksoi se industria e turizmit po vuan pasojat e pandemisë dhe se nuk ka nevojë për reklamë negative në të sezon turistik.

“Në kushtet kur kjo industri është dëmtuar rëndë, hapja dhe promovimi i ngjarjeve të tilla me kaq jehonë në media, i shkakton një dëm më të madh kësaj industrie”, tha ai, teksa shtoi se operatorët kërkojnë që të jetë funksional “Ligji për turizmin”.

LEXONI GJITHASHTU:

• Shemsi Prençi: Policia ka qenë në dijeni për konfliktin mes dy familjeve në Velipojë
• Dëshmitari i ngjarjes së Velipojës tregon detajet nga momenti para përplasjes ku humbën jetën 4 persona
• Ngjarja e rëndë në Velipojë, policia arreston dy persona, tre në kërkim