Vrau gruan dhe plagosi djalin e saj, dënohet përjetë 47-vjeçari shqiptar në Greqi

Gjykata e Selanikut dënoi me burgim të përjetshëm një 47-vjeçar shqiptar i cili vrau gruan e tij greke. Ai u shpall fajtor për vrasje, tentativë vrasjeje kundër djalit të gruas dhe shkelje të ligjeve për armët.

Krimi u regjistrua mëngjesin e 1 dhjetorit të vitit 2024. 47-vjeçari i cili besonte se nënë e bir kishin një aferë, shkoi në shtëpi në orën 8 të mëngjesit i armatosur që t’i vriste. Sipas dëshmive të fëmijëve të gruas, atë ditë nuk pati grindje, megjithatë pati një skenë xhelozie dhe viktima i kërkoi atij të largohej nga shtëpia.

47-vjeçari mblodhi gjërat e tij dhe shkoi të qëndronte me vëllain e tij. Por doli që gjatë atyre katër ditëve ai kishte vendosur t’i merrte jetën gruas së tij dhe djalit të saj, me të cilët besonte se po kryente marrëdhënie.

I akuzuari deklaroi gjithashtu se e dinte që gruaja e tij kishte një lidhje me një burrë tjetër. Duke iu referuar asaj që kishte ndodhur disa ditë më parë, ai foli për shenjën në buzët e saj që ai pretendon se e kishte gruaja dhe kjo ishte ajo që “ndezi” dyshimet e tij.

Ai pretendoi se menjëherë pas vrasjes shkoi në polici për t’u dorëzuar, por pa e ditur saktësisht se çfarë kishte ndodhur, pasi ishte ngatërruar. Megjithatë, sipas deklaratës së tij në polici, ai kishte pranuar në atë kohë se donte të vriste nënën dhe djalin.

LEXONI GJITHASHTU:

• Aksident në Cërrik, kamioni përplas këmbësorin, humb jetën 70-vjeçari
• Tentuan ta vrisnin, Kosova nis hetimet për zyrtarin e BE-së që u plagos me thikë