“Vrima e zezë” në mes të Paqësorit: misteri i fotos së pazakontë në Google Earth 

Një foto nga hapësira që tregon një ishull në Oqeanin Paqësor së fundmi u bë virale dhe ndezi një stuhi spekulimesh rreth asaj që përfaqëson në të vërtetë.

Një imazh i Google Earth i kapur nga satelitët në vitin 2021 tregon një formacion trekëndor në dukje krejtësisht të zi në mes të oqeanit, të cilin shumë në mediat sociale e kanë përshkruar si një “vrimë e zezë”.

Shumë kanë spekuluar në rrjetet sociale se bëhet fjalë për një bazë ushtarake sekrete, e cila qëllimisht është errësuar në hartën e botës.

Megjithatë, doli të ishte një iluzion optik i krijuar nga bimësia e dendur, raporton Live Science.

Konkretishy, fotografia tregon ishullin Vostok , pjesë e Republikës së Kiribatit në Paqësorin Jugor, i cili ka një sipërfaqe prej vetëm 0,25 kilometra katrorë dhe është i mbuluar dendur me një pyll pisonia, një specie bimore e karakterizuar nga gjethe jeshile të errët.

Ky pyll duket shumë më i errët nga orbita e ulët e Tokës, duke u shfaqur pothuajse i zi.

Rastësisht, Vostoku është i banuar edhe nga një numër i madh zogjsh detarë, të cilët hanë farat e frutave të kësaj peme dhe në këtë mënyrë nxisin zgjerimin e pyllit.

Përpara se ishulli të zbulohej nga eksploruesit rusë në 1820, nuk kishte asnjë shenjë të pranisë njerëzore në të dhe nuk kishte kurrë banorë të përhershëm, pasi nuk ka burime të përhershme të ujit të pijshëm në të.

LEXONI GJITHASHTU:

• Arkeologët zbulojnë helmetën e rrallë romake, gjenden dhe armë 1600-vjeçare
• Zbulohet posti i rëndësishëm që Trump mund t’i japë Richard Grenell