Vriten dy vëllezër në Maliq, nëna apel: Zbuloni autorët sa më parë

Dy të rinj janë gjetur të vrarë në Maliq mesditën e kësaj të enjte. Viktimat janë dy vëllezër të moshës 31 dhe 33 vjeç dhe dyshohet se janë ekzekutuar me armë zjarri. Ata janë identifikuar si Andi Olldashi dhe Martin Olldashi, banues në Pogradec.

Ende nuk dihen shkaqet e kësaj ngjarje të rëndë, ndërkohë që viktimat ishin larguar në datën 7 dhjetor nga banesa. Trupat e pajetë të tyre janë gjetur në fshatin Zvirinë, në afërsi të vendit të quajtur “Kisha e vogël”.

Familjarët e dy vëllezërve të gjetur të vrarë në Maliq, shprehen se nuk kishin dijeni nëse Andi dhe Martini ishin të përfshirë në ndonjë konflikt. Nëna e tyre, Engjëllushe Olldashi, kërkon që shteti të veprojë sa më shpejt dhe të zbardhë ngjarjen.