Vritet në atentat kryebashkiaku në Meksikë, shpëton i biri i mitur 14-vjeçar

Një kryebashkiak në Meksikë u qëllua për vdekje teksa po darkonte në një restorant në Morelia, kryeqyteti i shtetit perëndimor Michoacan.

Guillermo Torres, 39 vjeç dhe djali i tij 14-vjeçar ranë pre e atentatit mbrëmjen e ditës së shtunë, tha zyra e prokurorit në një deklaratë.

Djali i mitur arriti t’i mbijetonte breshërisë së plumbave.

Torres u zgjodh kryebashkiak i komunës Churumuco të Michoacan si anëtar i Partisë Revolucionare Institucionale në vitin 2022, por së fundmi u largua nga partia dhe shprehu publikisht simpati për Morenën në pushtet, sipas mediave lokale.

Torres është politikani i fundit që u vra në Meksikë në prag të zgjedhjeve presidenciale të 2 qershorit, në të cilat do të votohen 20,000 poste lokale dhe federale dhe i gjithë Kongresi.

Dy kandidatë të tjerë për kryetar bashkie u vranë më 26 shkurt: Miguel Angel Zavala Reyes dhe Armando Perez Luna nga Morena dhe Partia e Veprimit Kombëtar, respektivisht.

Nga 4 qershori 2023 deri më 26 mars të këtij viti, 50 persona janë vrarë në “episode të dhunës elektorale”, 26 prej tyre kandidatë që synojnë poste të larta publike.

Shteti Michoacan, rajoni kryesor i prodhimit të avokados në Meksikë, është shmdërruar në një skenë luftimesh të ashpra midis grupeve të krimit të organizuar, duke përfshirë kartelin e fuqishëm të Gjeneratës së Re “Jalisco”.

LEXONI GJITHASHTU:

• Ndërron jetë legjenda meksikane, i pari futbollist që ka luajtur në 5 Kupa Bote
• Protestuesit në Meksikë sulmojnë pallatin presidencial, policia hedh gaz lotsjellës