Vritet pas 10 ditësh ariu i murrmë që sulmoi 5 persona në Sllovaki

Ariu i murrmë që plagosi pesë persona brenda pak ditësh në qytetin sllovak Liptovsky Mikulas është vrarë, tha ministri sllovak i Mbrojtjes së Mjedisit Tomas Taraba.

Një video e një ariu që vrapon nëpër rrugët e Liptovský Mikuláš më 17 mars është bërë virale, raportoi BBC.

U deshën 10 ditë për të gjurmuar ariun e murrmë, i cili u vra të martën në një pyll lokal.

Qeveria sllovake tani dëshiron më shumë liri për të reduktuar popullsinë e arinjve me asgjësimin selektiv.

Një dron dhe teknologji biometrike u përdor për të identifikuar ariun, shkroi Taraba në profilin e tij në Facebook dhe falënderoi të gjithë ata që morën pjesë në operacion.

Një gjendje e alarmit të shtuar u shpall javën e kaluar, me forcat policore që patrullonin gjerësisht rajonin për të parandaluar sulme të ngjashme. Pesë persona u plagosën

Ariu, i cili vlerësohet të jetë rreth tre vjeç dhe peshon rreth 70 kilogramë, u filmua duke vrapuar nëpër rrugët e qytetit verior sllovak në fillim të këtij muaji.

LEXONI GJITHASHTU:

• Ariu i sulmoi në rrugë, dy të plagosur në Sllovaki
• Qeni sulmon dhe kafshon në këmbë 12-vjeçarin, procedohet penalisht i zoti