Xhavit Shala: Gjatë komunizmit, shteti shqiptar bashkëpunonte me mafien

Një ditë më parë nisi në Itali, mega-procesi ndaj 355 anëtarë të dyshuar të organizatës mafioze “Ndrangheta”, ku përfshihen politikanë, avokatë, biznesmenë dhe policë të lidhur me rrjetin e gjerë kriminal të kësaj organizate.

Xhavit Shala, ekspert për çështjet e sigurisë thotë se ka një lidhje të fortë me krimit të organizuar në Shqipëri me krimin e organizuar në Itali dhe kryesisht me “Ndrangheta”.

“Bashkëpunimi” i ka fillesat që në periudhën e komunizmit kohë kur ishte vetë shteti shqiptar që kryente trafik të cigareve me mafian italiane.  

“Që në komunizëm ka pasur një bashkëpunim me mafien për trafikimin e cigareve. Vitet e fundit janë arrestuar disa bashkëpunëtorë të Ndragehta në Shqipëri”, shprehet z. Shala.

Ai nënvizon se “grupet shqiptare dhe grupet italiane drejtojnë trafikun e kokainës në Evropë”.

Z. Shala thotë se Shqipëria duhet të kishte bërë më tepër në rezultatet ndaj krimit të organizuar ndërsa veçon se krimi i organizuar është i lidhur me korrupsionin në drejtësi dhe polici.

“Në tre vite janë bërë ndryshimet e duhura ligjore, është krijuar Prokuroria e Posaçme kundër Krimit të Organizuar dhe Korrupsionit dhe është në proces ngritja e Byrosë Kombëtare të Hetimit”, tha z. Shala.