Xhoi Jakaj: Policia, në vështirësi për t’u përballur me krimin

Policia e Shtetit është në kushtet më të vështira për t’u përballur me krimin.

Kjo ishte deklarata e ish-drejtores së burgut të grave, Xhoi Jakaj. Ajo tha në një intervistë për Euronews Albania se përgjegjësia bie kryesisht mbi drejtorin e Përgjithshëm, Muhamet Rrumbullakun, ndërsa drejtorët e qarqeve janë shumë të ekspozuar ndaj krimit.

“Dalja e të dhënave të cilësisë së veçantë, shumë njerëz nuk e kuptojnë, por është elementi më i rrezikshëm për punonjësin e policisë, për shefin, për policin, për elementin që ka të bëjë me oficerin e policisë gjyqësore, me çdo element që ka të bëjë me strukturat e policisë dhe pikërisht për këtë arsye mendoj që është në kulmin e vështirësisë Policia e Shtetit,” – u shpreh Jakaj.

Pedagogia nënvizoi gjithashtu se janë ata punonjës që bazohen mbi idealet që rrezikohen më shumë në të tilla situata. Ata policë që nuk bëjnë kompromise me krimin, thotë Jakaj, janë dyfish të ekspozuar pas sulmeve të fundit kibernetike.

LEXONI GJITHASHTU:

• Eksperti: Sulmet kibernetike u planifikuan nga rusët dhe u kryen nga iranianët
• Policia aksion në te spitali i Traumës, shoqërohen disa mjekë
• Sulm kibernetik ndaj TIMS, Burimi: Cenohet siguria e institucioneve dhe pushtetarëve