Ylber Sefa është fituesi i etapës së parë në turin e 79 çiklistik në Shqipëri, zhvilluar aksin Tiranë – Korçë, me një gjatësi prej 161 km.
Me një shpejtësi mesatare prej 41.3 km në orë, Sefa tregon se gara ka qenë e fortë dhe emocionuese.
Ylber Sefa, Kampioni i etapës së pare tha se “Kjo ishte marrëveshja që kam bërë me Mikelin, që t’i lodhnim ata gjatë rrugës dhe i thashë realisht mund të ndahemi në finish se jam më i mirë se ata, nuk ishin në formën e duhur. Nuk e di si mund të shprehem sinqerisht është rrënqethje mishi dhe adrenalinë ekstreme. Ishte e fortë për shkak të terrenit vapës dhe konkurrencës”.
I dyti është renditur rumuni Cristian Rainlenau i cili shprehet i kënaqur, pas vështirësive gjatë udhëtimit për në Shqipëri.
Çiklisti rumun Cristian Railenau tha se “Gara ishte shumë e mirë, është hera ime e tretë në Shqipëri, është një vend i bukur dhe për etapë të parë jam i lumtur me pozicionin e dytë. Ishte e vështirë dhe shumë nxehtë, por nuk jam i mërzitur që nuk fitova. Udhëtimi im dje u anullua, prandaj erdha sot 15 min para nisjes së garës. Finishi ishte shumë i vështirë, çiklistët ishin të mirë”.
Presidenti i federatës së çiklizmit, Skënder Anxhaku tha se ky sport kërkon më tepër vëmendje.
Ai tha se “Kryeministrit nuk dua ti bëj lëvdata, duhet të hedhë akoma më shumë sytë nga sporti. Ky është një lloj sporti ka probleme të jashtëzakonshme, prandaj i thashë dhe Kryetarit të Bashkisë ta mbështesë këtë sport”.
Në këtë garë janë duke marrë pjesë grupe nga Italia, Belgjika, Maqedonia, Kosova, Serbia, Sllovenia, Azerbaijan, Rumania dhe Shqipëria.
3 ekipe të tjera të huaja nuk kanë mundur të marrin pjesë në garë, për shkak se kanë rezultuar pozitiv me COVID-19.
LEXONI GJITHASHTU:
