Pas mbylljes së garës për dy vendeve vakante në KLP, shprehur interes dhe kanë dorëzuar dokumentacionin e kërkuar 5 prokurorë, nga të cilët 1 i Apelit dhe 4 nga prokuroritë e shkallëve të para.

Përmes një njoftimi për mediat, KLP bën me dije se kandidatët që kanë shfaqur interes për vendet vakante në KLP janë: Moisi Duda, prokuror, Prokuroria e Apelit, Durrës; Zeqir Hoda, prokuror, Prokuroria pranë Gjykatës së Shkallës së Parë, Tiranë; Eloida Goxhi, prokuror, Prokuroria pranë Gjykatës së Shkallës së Parë, Berat; Albert Kulici, prokuror,  Prokuroria pranë Gjykatës së Shkallës së Parë, Vlorë; Elona Avni Alvora, prokuror, Prokuroria pranë Gjykatës së Shkallës së Parë, Vlorë. 

“Prokuroria e Përgjithshme i është drejtuar paraprakisht Komitetit Teknik të Ekspertëve për të miratuar organizimin e mbledhjes së përgjithshme të prokurorëve në mjediset e Pallatit të Kongreseve me një kapacitet optimal për zhvillimin e mbledhjes së prokurorëve.

Pas marrjes së miratimit nga ana e Komitetit Teknik të Ekspertëve do të caktohet menjëherë data e zhvillimit të mbledhjes për të zgjedhur anëtarët prokurorë të Këshillit të Lartë të Prokurorisë”, bëhet me dije në njoftim.

Prej afro një viti KLP ka vazhduar garën me mungesën e dy anëtarëve.

Kandidatët garojnë për të zëvendësuar Besnik Canin dhe Arben Dollapajn, të shkarkuar nga Vettingu.

Që prej nisjes së punës, anëtarët prokurorë të KLP janë goditur nga procesi i Vettingut.