Zbardhet ngjarja e djegies së automjetit në Durrës, vihet në pranga autori 32 vjeçar

Policia e Durrësit ka identifikuar dhe arrestuar autorin e dyshuar të djegies së një automjeti dy javë më parë. Në kuadër të hetimeve, në banesën e tij është gjetur dhe sekuestruar një sasi lënde e dyshuar narkotike kanabis.

Specialistët për Hetimin e Krimeve të Komisariatit të Policisë Durrës kanë arrestuar shtetasin Emilian Basha 32 vjeç, banues në Durrës, i cili dyshohet se më 13 shkurt 2025, në lagjen nr.10 të qytetit, ka djegur automjetin e shtetasit me iniciale G. Gj.

Gjatë kontrollit të banesës së tij, policia ka gjetur një sasi lënde narkotike të dyshuar kanabis, e cila u sekuestrua në cilësinë e provës materiale.

Materialet hetimore i kanë kaluar Prokurorisë për veprime të mëtejshme ligjore, ndërsa 32-vjeçari do të hetohet për veprat penale “Shkatërrimi i pronës me zjarr” dhe “Prodhimi dhe shitja e narkotikëve”.

LEXONI GJITHASHTU:

• Berat| Eksportonin mandarina me pesticide të ndaluara, arrestohen 3 persona
• Shisnin lëndë narkotike në Tiranë e në Vorë, arrestohen në flagrancë 3 persona