Zbulimi i vrasjeve mafioze nga SPAK, Yuri Kim: S’do të jetë rasti i fundit

Ambasadorja Amerikane në Tiranë, Yuri Kim ka përshëndetur hetimet e kryer nga Strukturat e Posaçme kundër Krimit të Organizuar dhe Korrupsionit që çuan në zbardhjen e dy vrasjeve të rënda të ndodhura 15 vite më parë.

Znj. Kim duke iu referuar lëshimit të urdhër arresteve për vrasjen e Vajdin Lamaj dhe Klodian Saliut, të ndodhura në vitin 2015, ka paralajmëruar se kjo nuk është çështja e fundit që SPAK do të hetojë.

“SPAK ka hapur një tjetër çështje të madhe në krimin e organizuar dhe korrupsion. Një hap i tillë nuk është i pari nga SPAK dhe nuk do të jetë i fundit.

Shpresojmë që SPAK do të vazhdojë të demonstrojë forcën e tij, integritetin dhe kompetencat në të tilla veprime”, shprehet ambasadorja amerikane.

SPAK has taken on another major case of organized crime & corruption. This is not the first such action by SPAK, and it will not be the last. We hope SPAK will continue to demonstrate its strength, integrity & competence through such actions. https://t.co/QTVXnvD0rv

— Ambassador Yuri Kim (@USAmbAlbania) December 8, 2020

Lexoni gjithashtu:

“I penduari”, SPAK zbardh dy vrasje të bujshme të 15 viteve më parë