Falsifikonin testet e COVID-19, vihen në pranga 15 persona në Tiranë

Një hetim disa mujor i Prokurorisë së Tiranës ka zbuluar një grup që falsifikonte testet COVID-19 kundrejt shumave monetare.

Në kuadër të këtij operacioni janë lëshuar urdhër arresti për 15 persona mes të cilëve dy mjekë si dhe sekserë të agjencive turistike.

Zbulimi i këtij grupi erdhi pas denoncimit të një qytetari, i cili pasi bleu testin fiktiv kërkoi të ndryshonte me qëllim gjeneralitetet e tij, për të vërtetuar veprimtarinë e jashtëligjshme.

Ka qenë kjo indicia, që organi akuzës i kryeqytetit të nisë hetimet kryesisht që çoi në sekuestrimin e bazës së falsifikimit ku qytetarë të ndryshëm kundrejt vlerave 35-40 euro siguronin teste COVID-19 fiktive.

LEXONI GJITHASHTU:

• Krahas SPAK edhe Prokuroria e Tiranës ka regjistruar 22 procedime për krimet zgjedhore
• Prokuroria e Tiranës vë në sekuestro 37 pasuri të familjarëve të Devi Kasmit
• 32-vjeçarit i mungon zemra, Prokuroria e Tiranës nis hetime për ngjarjen në Spanjë