Zbulohet në Berlin një monedhë e rrallë greke nga shekulli i 3-të para Krishtit

Një monedhë e rrallë greke nga shekulli i 3-të para Krishtit është zbuluar në lagjen Spandau të Berlinit, duke shënuar zbulimin e parë helenistik në një zonë urbane të kryeqytetit gjerman. 

Objekti i vogël, me diametër afërsisht 1.2 centimetra, u zbulua nga një nxënës 13-vjeçar në një zonë rurale dhe u prezantua zyrtarisht nga Zyra Shtetërore e Berlinit për Mbrojtjen e Monumenteve.

Monedha është bërë prej bakri dhe daton midis viteve 281 dhe 261 para Krishtit dhe është prerë në punishten e Iliumit, Trojës së lashtë në Turqinë veriperëndimore të sotme.

Në monedhë, në faqen e përparme, koka e perëndeshës Athina është paraqitur me një përkrenare korintiane, ndërsa në pjesën e pasme, Athina shfaqet me një shtizë në dorën e djathtë dhe një bosht në të majtën.

Fillimisht nuk ishte e qartë nëse ky ishte një zbulim arkeologjik apo një objekt koleksionist modern që ishte humbur. Megjithatë, hetimet e mëvonshme nga ekspertë të fushës zbuluan prova të qarta të përdorimit afatgjatë të zonës si varrezë që nga Epoka e Bronzit apo edhe nga Epoka e hershme e Hekurit.

View this post on Instagram

A post shared by Museum Island Berlin (@museumsinselberlin)