Zelenski për sulmin në Odesa: Terror, bilanci i viktimave po rëndohet

Sulmi ndaj bllokut të apartamenteve në Odesa ishte i qëllimshëm. Kështu deklaroi presidenti ukrainas Volodimir Zelenski, në fjalimin e së premtes, ku theksoi se numri i viktimave po rritet.

Të paktën 21 persona u vranë pasi një raketë ruse ra mbi një pallat 9-katësh, duke plagosur dhjetëra të tjerë.

“Theksoj se ky është një akt i qëllimshëm terrori nga Rusia dhe jo një gabim apo sulm aksidental. Katër persona nga e njëjta familje mbetën të vrarë, mes të cilëve një djalë 12-vjeçar që quhej Dmitri. Deri tani 21 persona janë në listën e të vdekurve dhe rreth 40 të plagosurit. Por fatkeqësisht numrat kanë ndryshuar gjatë gjithë ditës dhe bilanci i viktimave po rëndohet”, u shpreh presidenti i Ukrainës, Volodimir Zelenski.

Nga ana e tij Kremlini mohon të ketë sulmuar objektiva civilë. Ndërkohë që ushtria ruse ka nisur të ndërtojë infrastrukturë të re strehimi në Mariupol.

Gjithashtu, zyra e parë që jep pasaportën ruse është hapur në Luhansk, që ndodhet nën kontrollin e separatistëve, të cilët e kanë vetëshpallur territorin republikë.

LEXONI GJITHASHTU:

• Hakerët rusë sulmojnë kompaninë më të madhe të energjisë në Ukrainë
• Rusia mohon sulmin me raketa në Odesa
• Rusia vijon me bombardimet në Ukrainë, nevojë për ndihma humanitare