Zelensky: Fitorja e Ukrainës është e mundur këtë vit

Presidenti ukrainas, Volodymyr Zelensky kishte një pikëpamje optimiste për përfundimin e luftës për aleatët e tij evropianë, ndërsa paralajmëroi gjithashtu për disa fusha që ai beson se kanë nevojë për përmirësim.

Ai tha, “nëse përpjekjet tona të përbashkëta fokusohen me vendosmëri në fitoren e Ukrainës, fitorja do të arrihet tashmë këtë vit”, shkruan CNN.

“Askush nuk e di me siguri se sa do të zgjasë lufta dhe cilat beteja do të na sjellin sukses më shpejt dhe cilat do të kërkojnë më shumë përpjekje. Por ajo që është e qartë është se nëse nuk ka vonesa apo stagnim në bashkëpunimin tonë, nëse përpjekjet tona të përbashkëta jemi të fokusuar me vendosmëri në fitoren e Ukrainës, fitorja do të arrihet tashmë këtë vit”, u shpreh Zelensky në një takim të Këshillit Evropian.

Zelensky vlerëson mbështetjen evropiane për punën e Gjykatës Ndërkombëtare Penale dhe përpjekjet për të nisur një skemë kompensimi që do të përdorte miliarda në asetet e sekuestruara ruse për të rehabilituar Ukrainën.