Zelensky në 4-vjetorin e luftës: Putini nuk i ka arritur qëllimet, ai nuk i ka thyer ukrainasit

Presidenti i Ukrainës, Volodymyr Zelensky, në katër vjetorin e luftës tha se se Vladimir Putin ka dështuar t’i thyejë ukrainasit.

Putin “nuk i arriti qëllimet” e luftës që nisi kundër Ukrainës dhe “nuk e theu moralin e popullit ukrainas”, tha Zelensky në një video të publikuar këtë të martënë përvjetorin e katërt të fillimit të pushtimit rus.

“Sot shënon saktësisht katër vjet që kur Putini filloi ofensivën e tij tre-ditore për të marrë Kievin. Dhe kjo thotë shumë për rezistencën tonë, për mënyrën se si Ukraina ka luftuar gjatë gjithë kësaj kohe”, tha ai në një mesazh në Telegram.

Zelensky theksoi gjithashtu se, pas këtyre viteve luftë “qëndrojnë miliona njerëz të fortë, të guximshëm, një punë tepër e palodhur, këmbëngulje dhe rruga e gjatë që Ukraina ka bërë që nga 24 shkurti”.

“Duke parë prapa në fillimin e pushtimit dhe duke reflektuar mbi të sotmen, kemi të drejtë të themi: ne e kemi mbrojtur pavarësinë tonë, nuk e kemi humbur shtetësinë tonë, Putini nuk i ka arritur qëllimet e tij. Ai nuk i ka thyer ukrainasit, ai nuk e ka fituar këtë luftë. Ne e kemi ruajtur Ukrainën dhe do të bëjmë gjithçka për të arritur paqen dhe drejtësinë. Lavdi Ukrainës!”, është shprehur Zelensky.