Zelensky: Takimi me Starmer produktiv, mirënjohës Britanisë për mbështetjen

Presidenti Zelensky deklaroi se takimi i tij me Keir Starmer ditën e sotme ishte produktiv dhe se të dy udhëheqësit vazhdojnë të koordinojnë qëndrimet e tyre.

Në një postim në X, udhëheqësi ukrainas thotë se dyshja foli për pritjet e tyre për takimin e së premtes në Alaskë dhe garancitë e sigurisë që Ukraina ka kërkuar për të siguruar një paqe “të qëndrueshme”.

Zelensky tha gjithashtu se diskutoi “programet mbështetëse” për ushtrinë dhe industrinë e mbrojtjes së Ukrainës, si dhe investimet në prodhimin e dronëve në Ukrainë.

“Po punojmë me Mbretërinë e Bashkuar dhe të gjithë partnerët tanë për këtë. Keir, faleminderit për mbështetjen tënde!” përfundon Zelensky.