Zgjatet marrëveshja e grurit/ Rusi-Ukrainë, akord për shtyrjen me 120 ditë të afatit

Rusia dhe Ukraina kanë rënë dakord të zgjasin marrëveshjen e ndërmjetësuar nga OKB për eksportin e grurit.

Liderët botërorë vlerësuan zhvillimin, që ndihmon në shmangien e shkurtimit të rezervave të grurit në një moment kyç.

Ministri ukrainas i Infrastrukturës saktësoi të enjten se marrëveshja për kalimin e grurit përmes detit të Zi do të zgjatet për 120 ditë.

Edhe Ministria e Jashtme ruse konfirmoi gjithashtu zgjatjen e marrëveshjes, pa bërë ndryshime në kushtet e saj.

Sekretari i përgjithshëm i OKB-së, Antonio Guterres mirëpriti gatishmërinë e palëve për të vazhduar akordin. Ai theksoi nevojën për heqjen e pengesave të mbetura për të eksportuar drithëra dhe fertilizues nga Rusia.

“Të dyja marrëveshjet e nënshkruara në Stamboll tre muaj më parë janë jetike për uljen e çmimeve të ushqimeve dhe fertilizuesve dhe për të shmangur një krizë urie globale”, deklaroi Guterres.

Presidenti turk Recep Tayyip Erdogan vlerësoi gjithashtu angazhimin e palëve. “Të gjithë e kemi parë se sa e rëndësishme është kjo marrëveshje për furnizimin me ushqim dhe sigurinë e botës”, tha Erdogan.

Edhe zyrtarët më të lartë të Bashkimit Evropian reaguan me nota pozitive. Presidentja e Komisionit, Ursula von der Leyen deklaroi se zhvillimi ndihmon në shmangien e shkurtimit të rezervave me grurë dhe ul çmimet e ushqimeve pavarësisht luftës së Rusisë. 

LEXONI GJITHASHTU: 

• 8.3 mln euro këtë për inceneratorin e Tiranës, fatura e fundit në nëntor
• Vangjel Dule dhe Olta Xhaçka debat në Kuvend për integrimin në BE
• “Biletë modeste, vetëm 50 lekë”, Ministria e Turizmit reagon për Parkun në Divjakë