Zgjedhja e presidentit, analisti Ramadani: Nuk mund ta marrë PDK-ja, zgjedhjet janë skenari i mundshëm

Analisti Shkodran Ramadani u shpreh për Euronews Albania se çështja e të pagjeturve në Kosovë po politizohet.

“Palët këtu nuk po gjejnë rrugë të komunikojnë racionalisht me njëra-tjetrën, pa e personalizuar debatin dhe pa degjeneruar në akuza shumë të rënda me njëri-tjetrin.

Ka një përpjeke për të politizuar këtë çështje, në fakt më të rëndë, për ta instrumentalizuar për qëllime politike partiake.

Kjo çështje është një plagë e hapur në Kosovë dhe qytetarët do të donin që politikanët që të silleshin me më shumë konsideratë dhe ndjeshmëri sa i përket kësaj çështje.

Janë me qindra dhe me mijëra shqiptarë nuk dihet se ku gjendjen të gjallë apo të vdekur, ndërkohë partitë politike bien aq poshtë me sulmet e tyre, saqë e kontaminojnë të gjithë procesin”, u shpreh ai.

Ramadani foli edhe për çështjen e shumëdiskutuar, atë të zgjedhjes së presidentit. Ai theksoi se nuk e sheh si variant që PDK-ja të marrë postin e presidentit.

“Nuk e shoh se me asnjë variant që PDK të marrë postin e kryeministrit, për shkak që deri më tash ajo ka kërkuar me ngulm postin e Presidentit.

Një gjë të tille e ka aluduar edhe Isa Mustafa, i cili ka thënë që posti i presidentit i takon partisë tjetër më të fuqishme pas nesh, nëse na bashkohen në koalicion.

Pra e ka fjalën për PDK-në.

Ndërkohë AAK është duke insistuar që emri për president të jetë Ramush Haradinaj”, u shpreh zoti Ramadani.

“Nuk e shoh mundësinë që PDK të marrë postin e presidentit, për shkak se Ramush Haradinaj ka bërë më dije që nëse nuk merr postin e presidentit do të tërhiqet nga koalicioni dhe do të bëjë çmos që vendi të shkojë në zgjedhje.

Zgjedhjet duhet të jenë një skenar shumë i mundshëm”, theksoi ai.

Lexoni gjithashtu: 

Të pagjeturit e luftës, Grajçevci: Me presionin ndërkombëtar, do të gjenden plot varreza shqiptarësh në Serbi

Sherr në Kuvendin e Kosovës, përplasje mes LDK-së dhe Vetëvendosjes për çështjen e të pagjeturve

Nënkryetari i PDK-së: Haradinajn për president s’po e mbështet as koalicioni