Zgjedhja e presidentit, mblidhen nënshkrimet për seancën e jashtëzakonshme në Kuvendin e Kosovës

Partia fituese e zgjedhjeve të 14 shkurtit në Kosovë, Lëvizja Vetëvendosje ka mbledhur këtë të premte nënshkrimet për të thirrur seancën e jashtëzakonshme ku pritet të votohet për zgjedhjen e Presidentit të Kosovës.

Sipas informacioneve, seanca për votimin e Presidentit pritet të mbahet në përfundim të seancës së Kuvendit që po zhvillohet aktualisht.

40 nënshkrimet e nevojshme për të thirrur seancën për votimin e Vjosa Osmanit si presidente janë mbledhur nga kryetarja e grupit parlamentar të Vetëvendosjes, Mimoza Kusari Lila.

Zgjedhja e Presidentit të Kosovës do të ketë edhe mbështetjen e Lidhjes Demokratike, kryesia e së cilës vendosi disa ditë më parë të jepte miratimin për Vjosa Osmanin.