Zgjedhjet, Albin Kurti: Kemi gjasa të bëhemi më shumë se 65 deputetë

Kryetari i Lëvizjes Vetëvendosje, Albin Kurti ka deklaruar se kjo parti në zgjedhjet e ardhshme ka gjasë të ketë më shumë se 65 deputetë.

Ai shtoi se duhet të kenë kujdes dhe mos ta ulin standardin e listës dhe Kuvendit.

Këto deklarata Albin Kurti i bëri në mbledhjen e Këshillit të Përgjithshëm të Lëvizjes Vetëvendosjes, ku fillimisht foli për tërheqjen e Glauk Konjufcës nga posti i kryetarit të Kuvendit, në mënyrë që të arrihet marrëveshja me LDK-në, e në të njëjtën kohë lavdëroi Vjosa Osmanin.

“Këmbëngulja e LDK-së për ta marrë atë pozitë lidhje në fakt jo me kryetarin e Kuvendit sa me presidentin. Sot do ta kishim pasur ushtrues të detyrës së presidentit dhe kjo e tmerronte gardën e vjetër. Fati ynë i mirë dhe i gjithë Kosovës, që edhe ajo që e zëvendësoi Glaukun nuk ishte servile por dinjitoze dhe konsistente në qëndrimet e saj. E kam fjalën për Vjosa Osmanin e cila i përket atij grupi njerëzit në LDK që vendosën jo të pajtohen me mua por të mbajnë fjalën që ua dhanë votuesve të tyre në zgjedhjet e 2019-ës“, tha Kurti.

Ai foli më tej edhe për qeverisjen katër mujore të Lëvizjes Vetëvendosje, duke thënë se me një kabinet më të vogël çdo vit do të kursenin 2.8 milionë, vetëm si kabinet.

Lexoni gjithashtu:

Lëvizja Vetëvendosje: Jemi gati për referendumin që do të ndodhë në këto zgjedhje

​Vjosa Osmani apel aleatëve ndërkombëtarë: Kosova ka nevojë ende për ndihmën tuaj