Zgjedhjet në Kosovë, deputetja e AAK-së: Mund të zhvillohen në fund të janarit ose javën e parë të shkurtit

Deputetja e Aleancës për Ardhmërinë e Kosovës, zonja Time Kadrijaj deklaroi në Euronews Albania se zgjedhjet mund të mbahen në fund të janarit ose në fillim të shkurtit.

“Ne do të shkojë në dakordësi me të gjitha subjektet politike. Kemi një afat kohor kushtetues që tregon qartë se kur dihet të mbahen zgjedhjet e lira. Ushtruesja e detyrës së presidentit po vazhdon konsultimet me partitë parlamentare, besoj që sot do i përfundojë këto diskutime dhe do të caktohet se cila është data e zgjedhjeve. Me afatet kushtetuese, fundi i janarit ose java e parë e shkurtit.”, u shpreh ajo.

Deputetja nënvizoi më tej se Haradinaj do të jetë udhëheqës i listës së AAK-së.

“Zoti Haradinaj e kemi kryetar të partisë dhe ai do të jetë udhëheqësi i listës së AAK-së”,  tha ajo më tej.

Sa i përket koalicioneve parazgjedhore, zonja Kadrijaja u shpreh: “Në ditët e vazhdim do të shohim se kush do i bashkohet listës së AAK-së. Por, për një koalicion të mundshëm ende nuk kemi diskutuar”.

Lexoni gjithashtu:

Albin ​Kurti pas takimit me Osmanin: Zgjedhjet duhet të mbahen sa më shpejt

Gjykata Kushtetuese rrëzoi qeverinë, Hoti: Kuvendi të mos shpërndahet pa miratuar buxhetin e vitit 2021