Zgjedhjet në PDK, Shaqir Totaj: Duhet të zgjidhjet një kryetar fuqiplotë, jo ushtrues detyre

Nënkryetari i PDK-së, Shaqir Totaj u shpreh në Euronews Albania se në këtë parti do të ketë vetëm zgjedhje për kryetarin e ri dhe kjo pritet të ndodhë në Konventën e 3 korrikut.

“Afati për të paraqitur kandidaturat do të jetë data 1 korrik dhe deri atëherë ne do të presim se kush do të kandidojë. Deri më tani askush nuk e ka konfirmuar kandidaturën në mënyrë direkte”, u shpreh z. Totaj.

Sa i përket kritereve që duhet të plotësojë një kandidat për të qenë pjesë e garës, ai sqaroi se nuk ka kritere të shkruara formale, por mund të ketë kritere joformale.

“Natyrisht duhet të jetë një person që ka përvojë në politikë, një person që e njeh strukturën, një person që është i dëshmuar për një vizion të qartë”, u shpreh ai më tej.

Në fund të fjalës së tij, nënkryetari i PDK-së tha se në krye të kësaj partie duhet të zgjidhet një kryetar me fuqi të plota dhe jo thjesht një ushtrues detyre.

LEXONI GJITHASHTU:

• Enver ​Hoxhaj dhe Kryesia e PDK-së japin dorëheqjen para konventës zgjedhore
• Haradinaj i drejtohet Kurtit: Trego nëse je pro apo kundër asociacionit
• “Dialogu me letrat e vjetra”, Xhavit Haliti: Negociatat nuk fillojnë nga zero