Zgjedhjet në Vorë përmes ilustrimeve

E ndodhur në qarkun Tiranë, bashkia Vorë ka në total 30 433 votues.

Kjo bashki është e ndarë në tre njësi administrative. Vorë, Prezë dhe Bërxull me 44 qendra votimi.

25 prej tyre janë në Vorë ku ka 16248 votues, 12 qendra votimi në Bërxull me 8 725  votues dhe 7 të tjerat në Prezë me 5 460 votues.

Vora është bashkia me më pak votues, e si pasojë me më pak qendra votimi në krahasim kjo me 5 bashkitë e tjera ku zhvillohen zgjedhjet e pjesshme.

Prandaj, Votimi dhe numërimi do jetë elektronik. Rezultati i zgjedhjeve pritet të do dalë pak orë pas përfundimit të votimit.

Në zgjedhjet vendore të 30 qershorit 2019 drejtimin e bashkisë e mori Partia Socialiste me të vetmin kandidat në garë, Agim Kajmakun.

Në këto zgjedhje votuan 21. 66% e votuesve. ( Nga 6350 votues, 6208 vota shkuan për Agim Kajmakun.)

4 muaj pas zgjedhjeve, për shkak të dekriminalizimit Agim Kajmaku shkarkohet nga KQZ në 1 nëntor 2019.

Prokuroria verifikoi se Kajmaku kishte falsifikuar Formularin e Dekriminalizimit, duke fshehur arrestimin dhe hetimet në Greqi.

Për thuajse dy vite kryetar në detyre në bashkinë Vorë ka qenë Gentian Picari.

Në garë për këto zgjedhje janë kandidati i PS Blerim Sheraj, kandidati i PD Ymer Marku dhe kandidati i koalicionit “Shtëpia e Lirisë” Lulzim Vrana.

LEXONI GJITHASHTU: 

• PËRDITËSIM LIVE | 6 bashki në zgjedhje, pjesëmarrja 11.44% deri në orën 12:00