Në përplasjen e anijes me kontejnerë “Solong” dhe cisternës “Stena Immaculate” në afërsi të bregut britanik, të dyja mjetet lundruese pësuan dëme të konsiderueshme, ndërsa një anëtar i ekuipazhit të “Solong” është zhdukur, tha sot pronari i anijes me kontejnerë nga Hamburgu, Ernst Ras.
“Të dyja anijet pësuan dëme të konsiderueshme në përplasjen dhe zjarrin që pasoi,” tha Russ në një deklaratë të raportuar nga Reuters.
Ai tha se “13 nga 14 anëtarët e ekuipazhit të Solong arritën të sigurtë në breg”.
“Po punohet për gjetjen e anëtarit të humbur të ekuipazhit”, tha ai.
Kompania amerikane e logjistikës Crowley, operatorët e së cilës po menaxhonin cisternën e naftës që u përplas me anijen e ngarkesave, tha më herët se cisterna e përfshirë në përplasje po transportonte karburant avioni për ushtrinë amerikane në MB.
Sipas deklaratës, karburanti ishte në pronësi të autoriteteve amerikane dhe ishte menduar për një program amerikan për të ndihmuar forcat e armatosura të Shteteve të Bashkuara në një bazë ushtarake në tokën britanike.
“Zjarri ndodhi kur cisterna goditi një objekt të palëvizshëm. Ekuipazhi e braktisi cisternën pas disa shpërthimeve. Të gjithë anëtarët e ekuipazhit janë të sigurt dhe mirë”, tha kompania në një deklaratë, sipas BBC.
Më parë, CEO i Stena Bulk, i cili zotëron cisternën, Erik Hanel, tha se ishte shumë herët për të marrë në konsideratë se çfarë e shkaktoi përplasjen në brigjet juglindore të Britanisë.
“Roja bregdetare po punon për të shpëtuar një cisternë dhe një anije mallrash që u përplasën në brigjet e East Yorkshire. Është thirrur një helikopter shpëtimi bregdetar, si dhe varkat e shpëtimit nga Skegness, Bridlington, Mapplethorpe dhe Cleethorpe”, tha rojet bregdetare britanike në një deklaratë.
Deklarata tha se ata morën thirrjen për ndihmë pak para orës 10 të mëngjesit me orën lokale dhe se “incidenti është ende në vazhdim”.
LEXONI GJITHASHTU:
- Një cisternë nafte dhe një anije mallrash përplasen në Detin e Veriut
- Koreja e Veriut raketa balistike drejt Detit të Verdhë, “përgjigjen” SHBA dhe Jugu
