Zhdukja e 3 të rinjve, vijojnë kërkimet nga forcat speciale dhe familjarët në Malësinë e Madhe

Kur kanë kaluar më shumë se 72 orë, ende nuk ka asnjë gjurmë nga 3 shtetasit e shpallur të humbur në Malësinë e Madhe, saktësisht Vilson Çutaj, Klement Pepaj dhe Daniel Pepaj.

Pavarësisht forcave të shumta policore si dhe banorëve të cilët vijojnë kërkimet, akoma nuk ka të dhëna të reja sa i përket operacionit të kërkimit.

Kushtet atmosferike të orëve të fundit kanë vështirësuar kërkimet në zonë, për shkak edhe të terrenit të vështirë, ndërsa ende nuk dihet fati i 3 të rinjve, kushërinj me njëri-tjetrin. Sipas burimeve, thuhet se mes tyre ka pasur një konflikt për parcelat e drogës, e cila dyshohet se ka përfunduar në përplasje me armë.