Zhytësit në Dubai eksplorojnë pishinën më të thellë të botës

Në pishinën më të thellë të botës në Dubai, ndodhet “një qytet” i cili eksplorohet nga zhytësit.

Në thellësinë 60 metra në strukturën e quajtur “Deep Dive Dubai”, zhytësit notojnë rreth një biblioteke dhe një apartamenti nënujor, madje aty gjendet dhe një studio filmi.

Pishina është e vlerësuar edhe nga rekordet “Guinness” si më e thella për zhytje. “Deep Dive Dubai” është e mbushur me 14 milionë litra ujë, vëllimi i gjashtë pishinave me madhësi olimpike dhe është të paktën katër herë më e madhe se çdo pishinë tjetër në botë.

Temperatura e ujit mbahet në 30 gradë celsius, një temperaturë normale për t’u zhytur thjesht me rroba banje.

Rreth 56 kamera janë instaluar për të garantuar sigurinë e zhytësve në çdo cep. Pishina ka gjithashtu dhomën hiperbarike (ku bëhet përdorimi mjekësor i oksigjenit) më të përparuar të rajonit, me një kapacitet prej 12 personash në rast emergjence.

“Deep Dive Dubai” ofron kurse si për fillestarët ashtu edhe për zhytësit e certifikuar.

Pishina aktualisht funksionon vetëm mbi një bazë ftesash, dhe prenotimesh publike që nisin në fund të korrikut.

LEXONI GJITHASHTU: 

• 7 qytete të famshme që ja vlejnë vërtetë të vizitohen
• Kina heq pandat gjigande nga lista e specieve të rrezikuara
• Sllovenët kundër qeverisë, të vendosur të mbrojnë burimet ujore nga ndërtimet