Zjarr në ishullin e Pashkëve në Kili, statujat e Moait nuk riparohen më

Zjarri që shpërtheu në ishullin e Pashkëve në Kili të hënën dëmtoi statujat e Moait dhe fatkeqësisht dëmi është i pariparueshëm.

Disa nga statujat prej guri u përfshinë nga flakët, tha nënsekretari i Kilit për trashëgiminë kulturore.

Në ishullin e Pashkëve, i cili është në Listën e Trashëgimisë Botërore të UNESCO-s, ka rreth 1000 statuja gjigante prej guri, raporton BBC.

Easter Island statues damaged by fire https://t.co/Gip3vYB7xX

— BBC News (World) (@BBCWorld) October 7, 2022

Besohet se zjarri është vënë qëllimisht pranë vullkanit Rano Raraku ku ndodhen rreth 400 statuja Moai. Kryetari i bashkisë së ishullit, Pedro Edmunds, tha për mediat lokale se dëmi i shkaktuar nga zjarri nuk mund të riparohet.

Përfaqësuesi i parkut kombëtar ku ra zjarri, Ariki Tepano deklaroi se Moai-t janë djegur plotësisht.

Statujat e Moait janë bërë nga gurë monolitikë dhe tufa vullkanike. Më e madhja prej tyre peshon 74 ton dhe është 10 metra e lartë. Ato u gdhendën nga një fis polinezian më shumë se 500 vjet më parë dhe secila prej tyre konsiderohej si një mishërim i gjallë i një personi.

Ishulli i Pashkëve ndodhet 3500 kilometra larg brigjeve të Kilit. Ai mbështetet në turizëm dhe u rihap vetëm tre muaj më parë pasi u mbyll gjatë pandemisë.

LEXONI GJITHASHTU:

• Tina Turner ngelet vetëm me këpucë, shkatërrohet statuja në Durrës
• Statuja prej kartoni e mbretëreshës në Kukës
• Vdes 7-vjeçarja, statuja 200 kilogramë i bie sipër