Zjarret pyjore në Turqi morën dy jetë, pretendohet për zjarrvënie të qëllimshme

Zjarret pyjore që kanë përfshirë Turqinë perëndimore kanë shkaktuar dy viktima deri tani, me operatorin e ekskavatorit Ibrahim Demir, që humbi jetën ndërsa po luftonte me flakët në provincën e Izmirit. Demir ishte viktima e dytë pas një 81-vjeçari që humbi jetën në shtëpinë e tij të shkatërruar nga zjarri, në të njëjtën zonë.

Një grup pak i njohur, i quajtur “Fëmijët e Zjarrit”, ka marrë përgjegjësinë për dhjetëra zjarrvënies në gjashtë qytete të Turqisë, duke pretenduar lidhje me Partinë e Punëtorëve të Kurdistanit (PKK), një grup i shpallur terrorist nga Turqia, SHBA-ja dhe BE-ja. Megjithatë, PKK nuk ka komentuar mbi këtë pretendim.

Deri tani, zjarret kanë dëmtuar rreth 200 shtëpi dhe kanë shkaktuar evakuimin e 50,000 njerëzve nga zonat e rrezikuara për shkak të kushteve të rënduara atmosferike, duke përfshirë temperatura të larta, lagështi të ulët dhe erëra të forta. Zjarret vazhdojnë të përhapen edhe në provincën turistike të Antalias dhe pranë Stambollit, ku autoritetet po punojnë intensivisht për t’i shuar ato.

Ministri i Bujqësisë dhe Pylltarisë, Ibrahim Yumakli, njoftoi se 624 zjarre kanë shpërthyer javën e kaluar, ndërsa 621 prej tyre janë vënë nën kontroll. Megjithatë, disa zjarre të mëdha janë ende duke u shuar me ndihmën e helikopterëve dhe aeroplanëve që hedhin ujë mbi terrenin malor të goditur.

LEXONI GJITHASHTU:

• Marrëveshje tregtare për SHBA-në: Trump zbulon kushtet e reja të tarifave
• Zjarr në një nënstacion elektrik të Moskës, mbi 50 mijë njerëz pa energji elektrike