Që prej ditës se djeshme, zjarri kanë përfshirë zonën e Malikolajt në Velipojë në një sipërfaqe të konsiderueshme të pyllëzuar.
Për shkak të terrenit të vështirë malor është e pamundur ndërhyrja e zjarrfikësve.
Në zonë kanë ndërhyrë punonjësit e zonave të mbrojtura për të vënë nën kontroll vatrat e zjarrit në bashkëpunim me emergjencat civile në prefekturën e Shkodrës.
Agim Dardha, drejtor i Administratës së zonave të Mbrojtura u shpreh për Euronews Albania se zjarri është izoluar, por nuk është shuar.
“E vetmja rrugë për ndërhyrje është me forcat njerëzore. Dëmet nuk janë të mëdha, nuk është djegur kurora e pyllit”, u shpreh ai.