Zlatan Ibrahimoviç s’i përmban dot lotët për rikthimin me përfaqësuesen suedeze

Futbollisti 39-vjeçar Zlatan Ibrahimoviç nuk i ka përmbajtur emocionet në konferencën e tij të parë për shtyp që pas rikthimit me përfaqësuesen suedeze.

I rikthyer pesë vite pasi u tërhoq nga futbolli i përfaqësueseve, Zlatan u pyet nga gazetarët se si e kishte pritur familja e tij këtë vendim. Sulmuesi i Milanit u përgjigj tejet i emocionuar se “çdo gjë ishte pritur mirë”.

Ibrahimovic ka dy djem 14 dhe 12 vjeçarë, Maximilian dhe Vincent, teksa ky i fundit i ka kërkuar që të mos largohet më nga Suedia.

“Vincenti qau kur u largova,” – kujtoi në konferencën për shtyp Zlatan përpara se të kaplohej nga lotët.

Me Milanin shtatlarti Ibrahimovic ka shënuar 17 gola në 23 ndeshje këtë sezon.

Suedia luan të enjten ndeshjen e parë kualifikuese për në botërorin Katar 2022. Ajo është në Grupin B së bashku me Spanjën, Greqinë, Gjeorgjinë dhe Kosovën.