Zyra e Prokurorisë Speciale nuk jep detaje nëse ka të arrestuar të tjerë përveç Gucatit dhe Haradinajt

Arrestimet e drejtuesve kryesorë të Organizatës së Veteranëve të Luftës në Kosovë ka ngjallur reagime të shumta në Kosovë.

Pas prangosjes, Hysni Gucati dhe Nasim Haradinaj u dërguan menjëherë në Hagë, ndërsa priten të dalin para trupit gjykues për akuzat ‘frikësimit të dëshmitarëve’, ‘hakmarrje’ dhe ‘shkelje të fshehtësisë së procedurës”.

Korrespondentja e Euronews Albania në Prishtinë, Erjonë Popova iu drejtua me një kërkesë për informacion Zyrës së Prokurorisë së Specializuar për të kuptuar më shumë, nëse ky organ ka nisur hetim të brendshëm apo ka të dyshuar e të arrestuar nga Tribunali në Hagë për rrjedhjen e dosjeve, por ky institucion nuk pranoi të tregojë asnjë detaj mbi këtë çështje.

Presidenti Hashim Thaçi dhe ish-kryeministri Ramush Haradinaj nuk janë pajtuar me aksionet e befasishme, që EULEX zhvilloi të premten që shkoi në zyrat e OVL-UÇK-së.

Ndërkohë kryeministri i vendit, Avdullah Hoti veprimet e Misionit të Bashkimit Evropian për Sundim të Ligjit në Kosovë i cilësoi të drejta dhe kushtetuese.

Lexoni gjithashtu: 

​Ish-eprori i UÇK-së Salih Mustafa të hënën del para “Speciales” në Hagë

Kryeministri Avdullah Hoti komenton zhvillimet e djeshme në zyrat e OVL-UÇK-së

Zhvillimet në Kosovë, Hashim Thaçi dënon arrestimin e përfaqësuesve të OVL-UÇK-së

Policia e Kosovës ndalon nënkryetarin e OVL-UÇK-së Nasim Haradinaj

Nasim Haradinaj: Do publikojmë në media CD-të që janë paralajmëruar të vijnë pranë zyrave të OVL-UÇK

​Tensionohet situata në Kosovë, qytetarët bllokojnë rrugën dhe gjuajnë me shishe pjesëtarët e EULEX

EULEX arreston kreun e veteranëve të UÇK

Hysni Gucati: Do të bindim opinionin publik se Gjykata Speciale bashkëpunon me Serbinë

Gjykata Speciale konfirmon arrestimin e ish-zyrtarit të FSK, Salih Mustafa